"Çfarë di? Në shtëpi jemi dominantë", trajneri i Young Boys i jep përgjigje Tiranës për barin artificial
Tirana luan nesër ndeshjen më të rëndësishme në historinë e saj, teksa do të përballet me Young Boys në fazën play off të Europa League. Është vetëm një ndeshje ajo që e ndan kampionen e Shqipërisë nga grupet e këtij kompeticioni dhe për këtë arsye janë gati të japin gjithçka për të bërë realitet ëndrrën e tyre.

Në prag të këtij takimi trajneri i klubit zvicerian, Gerard Seoane, ka folur për mikrofonin e “Blick”, ku prek edhe çështjen e barit artificial. Te bardheblutë kishin dyshime për terrenin, ndërsa kreu i pankinës së Young Boys i jep përgjigje duke i treguar se edhe aty mund të fitohet. Më tej, i pyetur në lidhje me faktin e të qenurit të pamposhtur që prej një viti në shtëpi, Seoane thekson se nuk e mban mendjen te statistikat, megjithëse diçka e di me siguri: “Në shtëpi jemi dominantë”.


“Ne ndoshta e dimë saktësisht se çfarë është në lojë. Por fokusi ynë nuk është te kuptimi. Një atlet nuk mund të jetë i lirë kur ka gjëra të tjera në mendje. Detyra e stafit është të tregojë rrugën drejt fitores. Por e kuptoj shumë mirë që gazetarët tregojnë rëndësinë.

E shoh interesante se është e qartë se duhet të jetë një avantazh për të luajtur në terren artificial. Çdo skuadër mund të fitojë edhe këtu. Dikush nuk mund të përgjithësojë sepse një vend është i tillë dhe një tjetër ashtu. Kjo duhet thënë.

Shqiptarët do të vijnë këtu për të performuar. Ky muaj nuk luan një rol të madh. Unë nuk mbaj statistika dhe nuk mendoj shumë për to. Çfarë di: në shtëpi ne jemi dominantë. Unë nuk mund të blej asgjë me të kaluarën”, ka thënë Gerard Seoane.
Shtuar më 30/09/2020, ora 20:42
Shkruani komentin tuaj!
Të fundit nga kjo kategori