Liga e Kampioneve do të japë verdiktet përfundimtare jo vetëm për sezonin e Juventusit, por edhe për teknikun Mauricio Sarri dhe shefin ekzekutiv të klubit Fabio Paratiçi.

Skuadra bardhezi është pranë sigurimit të titullit kampion të nëntë radhazi në Itali. Një fitore sot përballë Lacios me shumë mungesa do ta afronte akoma më tepër “Zonjën e Vjetër” me titullin kampion. Por, Juventus duhet të përmbysë Lionin në Ligën e Kampioneve.

Nëse bardhezinjtë largohen herët nga gara, atëherë tekniku Sarri dhe shefi ekzekutiv i klubit Paratiçi janë dy “kokat” e para që rrezikojnë të priten.

Drejtuesit e klubit kanë falur Sarrin për humbjen e Kupës dhe Superkupës së Italisë, por një paraqitje zhgënjyese në Ligën e Kampioneve do të sillte shkarkime në radhët e Juventusit.