Mungojnë vetëm disa detaje që Chelsea të bëj publik transferimin e mesfushorit të Valencias, Juan Matas. Ky është mesfushori i Valencias i cili u bë i njohur në Kampionatin Europian të U-21 me Spanjën.

E përditshmja angleze The Telegraph të premtën ka deklaruar se Chelsea ka rritur ofertën në 31 milion euro pasi oferta e parë prej 25 milion euro është refuzuar nga Valencia.

Raportet më të reja që vijnë nga sot nga e përditshmja spanjolle AS raportojnë se kanë mbetur vetëm edhe disa detaje që Mata të bëhet lojtar i Chelseat.

Chelsea kështu është shumë afër të mposhtë Arsenalin dhe Tottenhamin të cilët gjithashtu kanë qenë të interesuar për mesfushorin spanjoll të Valencias. /albeu.com/