Skuadra e Chelsea-t ka shkatërruar Queens Park Rangers me rezultat 6-1. Heroi i kësaj ndeshje ishte Torres, i cili realizoi tri gola. Fillimisht Daniel Sturridge në minutën e parë zhbllokoi rezultatin, para se John Terry të shënonte për 2-0 (13’).

Më pas Torres shënoi dy gola (19’ dhe 25’) për 4-0 dhe rezultatin e pjesës së parë. Në pjesën e dytë Torres kompletoi tregolëshin (64’), para se edhe Florent Malouda të shënonte për 6-0 (80’).

Golin e nderit për mysafirët nga Loftus Road e realizoi Djibril Cisse (84’) për 6-1 dhe rezultatin përfundimtar të takimit.

Me këtë fitore Chelsea grumbullon 61 pikë në vendin e pestë dhe tri javë pa përfunduar sezonit. /albeu.com/