Conte kërkon yllin kroat, Interi hyn në bisedime
Me ardhjen e tij te Inter, Antonio Conte ka vendosur kushtin e të bërit një merkato të fuqishme dhe sjelljen në San Siro të lojtarëve, që ai kërkon. Emrave të Niko Barelës dhe Edin Dzeko i shtohet Ante Rebiç. Sulmuesi kroat aktivizohet me Eintracht Frankfurt dhe është një nga yjet e mëdhenj të skuadrës gjermane.

Ky sezon ishte i një niveli mjaft të mirë për 25-vjeçarin, ku u përfshi në 16 gola, duke e dërguar 10 herë topin në rrjetë dhe asistuar 6-të. Konte e pëlqen profilin e tij dhe dëshiron ta ketë në urdhrat e tij për sezonin e ardhshëm. Oferta e Interit në drejtim të Ajntrahtit është 40 milionë euro.

Pritet përgjigja e skuadrës gjermane, e cila sapo është përballur me ikjen e një ylli si Luka Joviç. Mbetet për t’u parë nëse do të lejojë të largohet një tjetër lojtar kyç. Rebiç është aktivizuar edhe me Fiorentinën në fillimin e karrierës së tij. Me ardhjen e tij në Milano, do i hapej rruga e largimit bashkëkombasit, Ivan Perisiç.
Shtuar më 15/06/2019, ora 19:44
Shkruani komentin tuaj!
Të fundit nga kjo kategori