Paolo Dal Pino do të jetë në krye të Lega Serie A edhe më tej.

Paolo Dal Pino u zgjedh si President i Lega Serie A në janar të vitit 2020, duke pasuar Gaetano Micciche i cili ishte në krye të Federatës më parë.

Sipas “SkySportItalia” thuhet se Paolo Dal Pino ka pranuar të vazhdojë si President i Lega Serie A.

Dal Pino u rizgjodh javën e kaluar dhe vendosi të merrte kohë për të reflektuar mbi vendimin, por sipas artikullit, raportohet se 58-vjeçari do të mbetet në krye edhe më tej.

Agjencia e lajmeve ANSA njoftoi se Dal Pino fitoi raundin e dytë të votimit me 14 vota dhe kështu u rizgjodh President i Legas Serie A.

Ai së fundmi kishte filluar reforma të ndryshme në Serie A, për të rikuperuar gjendjen ekonomike të futbollit italian, duke kërkuar mënyra për shitjen e të drejtave televizive dhe duke kërkuar të rriten të hyrat e klubeve./