Dalin përgjimet e para pas vrasjes së ish-kapo ultrasit të Juventusit (FOTO & VIDEO)
Pritja për emisionin “Report”, i cili do të transmetohet ditën e hënë, në orën 21:15, në rrjetin “RAI 3”, do t’i dedikohet Juventusit dhe skandalit të biletave që përfshiu klubin bardhezi, në vitin 2016. Në një video të parë që ka qarkulluar në “Facebook”, e cila paraprin atë që do të ndiqet në “Report”, janë bërë publike dy minuta regjistrime, të cilat përfshijnë bisedat mes Alesandro D’Anxhelos, menaxheri i sigurisë së Juves, që telefonon ish-drejtorin e shitjeve, Francescoo Calvo dhe më pas Leonardo Bonuccin.

Në bazën e këtyre regjistrimeve kryefjala e bisedës është vetëvrasja e Rafaele “Çiço” Buccit, ish-kapo ultras i Juves, më pas bashkëpunëtor i klubit bardhezi si dhe punonjës i shërbimeve sekrete italiane, i cili mendohet se u hodh nga një urë më 7 korrik të vitit 2016. Në përgjime dëgjohet D’Anxhelo në lot, i cili te Calvo thotë: “E vranë. Nuk e kuptoj arsyen pse u vra, nuk duhej të kishte frikë nga ne. Ishte i terrorizuar dje, sepse kishte deponuar te gjykatësit. Dukej sikur do ta vrisnin nga çasti në çast, – shprehej D’Anxhelo.

Ndërsa Calvo i përgjigjet: Nuk duhej të kishte frikë. Dhe të mendosh që e sollëm ne te Juventusi”. Sa për kronikë, Calvo në atë periudhë punonte për Barcelonën, pasi si rrjedhojë e hetimit për biletat, i ashtuquajtur “Alto Piemonte” u dënua me 1 vit pezullim.

Më pas, D’Anxhelo telefonon edhe Bonuccin, i cili nuk ishte në dijeni të lajmit, por duket që e njihte mirë ish-kapo ultrasin. Në këtë hetim bën pjesë edhe Beppe Marotta, i akuzuar se i ka dhuruar bileta djalit të një prej bosëve të “Ndragetës”, grupimi mafioz që përflitet se ka pasur dorë në shpërndarjen dhe shitjen e biletave të Juves.
Dalin përgjimet e para pas vrasjes së ish-kapo ultrasit të Juventusit (FOTO & VIDEO)

Shtuar më 18/10/2018, ora 16:45
Shkruani komentin tuaj!
Të fundit nga kjo kategori