De Laurentis: Merita e Ronaldos, Allegri ska bërë asgjë
Presidenti i Napolit, Aurelio De Laurentis, ka dhënë një intervistë për "Corriere Dello Sport", ku ka folur në lidhje me situatën e me Lorenco Insigne dhe idenë e futjes së formatit "Play-Off" në Serie A.

SITUATA ME INSIGNE – "Di vetëm që ai është një lojtari i Napolit dhe një napolitan. Insigne e ka treguar gjithmonë se ka një lidhje të fortë me këtë fanellë, por unë nuk mund ta detyroj të qëndrojë. Ka kërkuar të largohet katër ose gjashtë vite më parë, pasi më tha se nuk ndihej i respektuar nga tifozët".

CRISTIANO RONALDO – "Ronaldo është një lojtari i veçantë, pasi ka zëvendësuar trajnerin te Juventusi. Më thoni çka bërë Allegri këtë sezon. Ai është njeriu që motivon skuadrën. E kam parë njëherë të luajë me Portugalinë dhe po qëndronte në stol atë ndeshje. Bërtiste më shumë se trajneri në mënyrë që të motivonte lojtarët. Nuk mund ta merrja në Napoli. Prindërit më kanë mësuar që të mos shpenzoj më shumë se ç’i kam mundësitë".

Më tej De Luarentis foli mbi idenë e futjes së një formati play-off në Serie A: "Për mendimin tim është një propozim i gabuar. Duhet një qasje tjetër dhe serioze për këtë çështje". /albeu.com/

Shtuar më 14/05/2019, ora 20:13
Shkruani komentin tuaj!
Të fundit nga kjo kategori