Debutoi si trajner, Pirlo analizon ndeshjen ndaj Sampdorias
Trajneri i Juventusit Andrea Pirlo foli për Sky Sport pas suksesit kundër Sampdoria në debutimin e tij te stoli bardhezi por edhe si trajner futbolli.

"Kam qenë një futbollist deri para disa vitesh dhe më pëlqente të flisja me trajnerët. Po e bëj me ta dhe ata me mua. E kemi krijuar këtë marrëdhënie dhe shpresojmë të vazhdojë sa më shumë që të jetë e mundur".

Ndeshja sot?

"Ne patëm një pjesë të parë të shkëlqyer, është për të ardhur keq që nuk e përfunduam me disa gola. Në pjesën e dytë ramë pak fizikisht, por arritëm të qëndronim në lojë dhe të ishim të qartë në momentet vendimtare. E dinim se do të ishte e vështirë sepse ata erdhën për t’u mbyllur dhe për të kundërsulmuar".

Frabotta?

"Luajti mirë, Alex Sandro u lëndua përpara një dite dhe zgjodha një djalë që di të luajë dhe që po stërvitet mirë. Nuk ishte rrezik ta vendosja në mesin e lojtarëve të tjerë".

McKennie?

"Po punon shumë dhe mbase fizikisht është më mirë se të tjerët. Luajti mirë, mund të bënte diçka më shumë në fazën e ndërtimit, por mund ta falim atë sepse ishte ndeshja e parë".


Ju përmendët Barcelonën e Guardiolës, Milanin e Ancelottit dhe Juven e Contes. Sa prej këtyre përbërësve do të jeni në gjendje të vendosni në kokën e lojtarëve?

"Do të duhet kohë. Nuk dua të kopjoj dhe ngjis ndonjë trajner por do të përpiqem të frymëzohem nga këto skuadra. Nuk kishim shumë kohë sepse djemtë janë kthyer nga angazhimet me ekipet kombëtare".

Mesfushorët?

"Ne kemi katër mesfushorë qendrorë që luajnë më mirë se dy për nga karakteristikat. Po përpiqemi të luajmë në këtë mënyrë duke u mbrojtur me katër dhe dy mesfushorë ndërsa në fazën proaktive përpiqemi të bëjmë një 3+2".

Si planifikoni ta menaxhoni Ronaldon?

"Jemi duke menduar për këtë dhe gjithashtu e kemi menduar së bashku. Tani ai nuk është i lodhur sepse sapo kemi filluar. Ronaldo e njeh trupin e tij, ai e di se kur duhet të ndalet dhe jo, kemi biseduar për të, kjo varet nga ai, kur ai dëshiron të luajë".

Kur të vijë sulmuesi i famshëm, a do të jetë e lehtë të bashkohet me Dybala dhe Ronaldo?

"Do të përpiqemi. Duhet të gjejmë ekuilibrin e duhur. Lojtarët cilësorë janë gjithmonë të mirëpritur në ekip për sa kohë që ata kanë karakteristika që sjellin ekuilibër. Kur të vijë sulmuesi do të përpiqemi të shohim më shumë lojtarë sulmues"

Shtuar më 21/09/2020, ora 08:58
Shkruani komentin tuaj!
Të fundit nga kjo kategori