"Do ta mirëpresim Ozilin nëse rikthehet në Kombëtaren e Gjermanisë"
Pëlqej
Sulmuesi i Leipzigut, Timo Werner, ka thënë se Mesut Ozili do të mirëpritej nga Kombëtarja e Gjermanisë nëse ai vendos të tërheq vendimin për pensionim dhe t’i rikthehet skuadrës.

“Mendoj se shumë njerëz në skuadrën e Gjermanisë do të ishin të lumtur nëse Mesut Ozil do të thoshte ‘do ta provoj këtë edhe një herë’”, ka thënë Werneri në një intervistë me Sportbild.

Pas përfundimit të turneut, Ozili, i cili ka origjinë turke, e postoi një letër trefaqëshe ku thoshte se ai po largohej nga Kombëtarja e Gjermanisë për shkak të racizmit dhe kritikave të padrejta me të cilat ishte përballur pas publikimit të një fotoje ku shihet ai bashkë me Presidentin e Turqisë, Recep Tayyip Erdoganin.

Ai i fajësonte mediat gjermane dhe presidentit e Federatës së Futbollit të Gjermanisë, Reinhard Grindel, duke i akuzuar ata për racizëm.
Shtuar më 14/08/2018, ora 16:30
Shkruani komentin tuaj!
Të fundit nga kjo kategori