Donnarumma zgjedh klubin e ri për sezonin e ardhshëm
Pëlqej
Gianluigi Donnarumma thuhet se ka vendosur të largohet nga Milano këtë verë dhe të nënshkruajë me Paris Saint-Germain.

Sipas Quotidiano Sportivo, Donnarumma ka pranuar sfidën për t'u bërë gardiani i portës së PSG-së duke lënë në stol Alphonse Areola dhe Kevin Trapp pasi kanë dështuar tek klubi francez.

Gjigantët francezë kishin identifikuar Alisson të Romës dhe Jan Oblak të Atletico Madridit si objektivat e tyre, por tani synojnë portierin e Milanit.

Për më tepër, bisedimet do të hapen tashmë midis agjentit të tij Mino Raiola dhe PSG.

E ardhmja e Donnarumma ka qenë subjekt i shqyrtimit intensiv, duke filluar me vendimin e tij për të mos nënshkruar një kontratë profesionale me Milanin verën e kaluar.

Megjithatë, u raportua më pas në dhjetor se Raiola ishte i pakënaqur me marrëveshjen e re. /albeu.com/
Shtuar më 22/02/2018, ora 17:15
Shkruani komentin tuaj!
Të fundit nga kjo kategori