Duka: Formula me 10 klube në Superiore nuk është ideale, Partizani mund të jenë pjesë e projektit të investimeve
I ftuar special nëpërmjet një lidhje live në “Skype” “Sport News Plus”, në televizionin “News 24” presidenti i Federatës Shqiptare të Futbollit, Armand Duka, i cili foli fillimisht për situatën e vështirë për shkak të Koronaviurist, që kaloi gjithë popullsia, në veçanti futbolli.

Kreu i FSHF-së preku temat të ndryshme teksa u ndal më së shumti te problematikat që mund të hasë futbolli së fundmi. Duka foli gjithashtu edhe për çështjen e kontratave si dhe për pretendimin e Partizanit në lidhje me ndërtimin e kompleksit të ri dhe mungesës së financimit nga FSHF.

“Kemi kaluar një situatë të pazakontë me të cilën nuk ishim përballur më parë, e gjithë shoqëria shqiptare dhe ajo e globit. Fakti që po rikthehemi në jetën normale dhe në futbollin e luajtur, po na ngroh. Ishim në një lloj frike dhe kaosi. Bëri dëme, mori jetë njerëzish dhe bëri dëme ekonomike. Shpresoj të fitojmë kohën e humbur.

Vendimi për rifillimin e kampionatit – Gjithkush bën punën e vetë. Kjo i takon ekspertëve. Ministria ka bërë më të mirën e mundshme për të rifilluar. Duhet të jemi të lumtur që do të rifillojmë të luajmë. Kryesorja është shëndeti. Tani që risku është më i vogël, kemi filluar. Jam i lumtur që do të shohim futboll, dhe për futbollistët që të mos dëmtojnë karrierën e tyre që është relativisht e shkurtër. Për ta jam më shumë i lumtur.

Tifozët – Dëshira e imja është që stadiumi të jetë plotë. Nuk jam unë ai që mund të vlerësojë nivelin e riskut. Është ministria e Shëndetësisë dhe ekspertë. Askush nuk ka dëshirë të pengojë aktivitetet sportive. Duke parë zhvillimet hapë pas hapi, mund të kemi pse jo edhe një vendim për të luajtur me tifozë, kjo do qe një kënaqësi e madhe.

duka

Mungesa e bashkëpunimit – Nuk ka munguar nga ana jonë. Ne jemi gjithmonë bashkëpunues me çdo faktor që ndihmon lojën e futbollit. Qeveria jo vetëm që nuk e mbështeti futbollin, por edhe e injoroi. Çdo shqiptar dhe politikan është krenuar me rezultatet e futbollit dhe nuk duhet ta injorojnë në atë mënyrë. Më vjen keq që nuk u kthye në një reflektim ekonomik. Gjithsesi uroj që të ketë një pasojë e virusit dhe të ketë kaluar edhe kjo.

Paga e solidaritetit – Qeveria duhet të trajtonte njerëzit e futbollit në të njëjtën mënyrë. Ne kemi mbështetur me 2 paga solidariteti me ato mundësi minimale, për t’iu treguar solidaritet njerëzve tanë. Edhe vetë klubet janë treguar solidarë dhe bashkëpunues. Nëse themi që ka mbaruar, mendoj që kemi qënë goxha të bashkuar.

Evitimi i tamponëve – Në këndvështrimin tonë, rikthimi i futbollit nuk është rikthimi i përfundimit të kampionatit. Ne nuk jemi në nivelin e Italisë apo Gjermanisë. Nuk ka qenë kjo arsyeja kryesore për t’u rikthyer. Arsyeja kryesore ka qenë forma sportive e sportistëve. Virusi ka qenë dashamirës me ne, nuk kishte pse i dëmtonim futbollistët.

Për sa i përket tamponëve, nuk është se nuk kemi dashur ne. Kështu është arsyetuar, kështu është gjykuar nga Ministria. Tamponë do bëhet vetëm kur futbollistët të jenë me temperaturë. Nuk është se ne e kemi shmangur. Jeta e njeriut është më e rëndësishme. Nuk jemi rikthyer në kampionat thjesht për klasifikim, sepse ai ekzistonte. Është i rëndësishëm diskutimi për mbrojtjen e shëndetit të njerëzimit. Kam dëgjuar se protokollet janë të pamundura. Janë të të gjitha të mundura. Nëse kemi vullnet dhe dëshirë është i zbatueshëm. Duhet minimizuar dhe eliminuar çdo lloj risku.

Problemet ekonomike të klubeve shqiptare dhe fenomenet negative të basteve – Klubet shqiptare nuk janë në një situatë solide financiare. Ne jemi dëshmitarë që klubet kalojnë në situata shumë të vështira. Apo siç ndodhi kjo me Vllazninë, apo qoftë dhe ndonjë klub tjetër. Ajo që ne duhet të bëjmë është të zbatojmë ligjin dhe kriteret e licencimit. Nëse ne respektojmë ato, mund të parandalojmë raste të tilla. Nuk ekziston eksperienca për buxhete të ngrira. Klubi është i detyruar të paguaj futbollistët sipas kontratat. Në të gjitha rastet problemet janë zgjidhur nga dhoma e konflikteve. Këto janë eksperiencat e futbollit.

Problematikat e kontratave dhe paga e solidaritetit për klubet e Superiores – FIFA ka nxjerrë një udhëzues për kohën e pandemisë edhe për marrëdhëniet kontraktuale të klubeve, e cila pak a shumë instrukton klubet. Kjo duhet të arrihet nëpërmjet marrëveshjes mes klubeve dhe futbollistëve. Për sa iu përket përfundimit të kontratave, futbollistët janë të detyruar të luajnë deri në përfundim të sezonit, kontrata zgjatet automatikisht. Ne kemi dhënë një mbështetje financiare dhe solidare. Qeveria pagë luftë futbollit nuk i dha. Gjithë futbollistët dhe zyrtarët duhet të bisedojnë me klubet. Kjo është një periudhë me të cilën ne nuk duhet të abuzojmë. Të jemi solidarë për të bërë më të mirën e mundshme.

Protokolli shëndetësor – E përsëris, protokolli është lehtësisht i realizueshëm, mjafton të jesh i disiplinuar. Çdo person që futet në fushë, duhet ta kuptojë që nuk mbron vetëm veten e tij por dhe ambientin sportiv. I ftoj të gjithë aktorët t’i respekjtojnë. Nuk janë kushte specifike të pamundura.

Sezoni tjetër – Nuk mund të themi se nuk ka ndikim zero. Duhet të bëjmë një periudhë pushimi, futbollistët kanë nevojë. Patjetër që ky virus do të sillte pasoja të tjera. Nëse do të rifillojmë kampionatin në shtator, nuk është se nuk do të ketë influencë të jetë. E vetmja mungesë janë tifozët.

Investimet – Nuk i kemi prekur buxhetet. Do të vazhdojmë me të njëjtin ritëm. Ato mungesa të ardhurash apo shpenzime do t’i rikuperojmë vetë pa cënuar projektet e investimeve. Projekti jonë madhor nuk mund të realizohet pa mbështetjen e qeverisë, që janë ndërtimi i fushave. Futbollit shqiptar i mungon infrastruktura e stërvitjes për të gjitha moshat. Duhet të kemi një infrastrukturë të kënaqshme. Çdo njeri, çdo klub, çdo ekip mund të aplikojë për të investuar 1/3 e këtij projekti.

Ligji i Sportit- Jam informuar që ka patur një propozim nga Ministria e Arsimit dhe e kanë kthyer Komisioni i Sporteve. Nuk është informacion zyrtar. Ligji i Sporit nuk Shqipëri nuk ka nevojë për shumë ndryshime. Duhet të bëhen disa ndryshime ligjore. Duhet Ligji mbi Tatimet e të Ardhurave, ulja e taksave për klubet, TVSH-ja për investimet në sport. Kryesore duhet të jetë Ligji i Sponsorizimeve. Buxheti i shtetit shqiptar ka 0 lekë për sportin. Ligj që të tërheqë financa nga biznesi nuk ka. Ligji i Sportit nuk do të sjellë ndryshime të mëdha.
Formula e kampionatit – Është një pyetje retorike. Nuk mund të ndryshosh rregullat e lojës kur loja ka filluar. Ndoshta, të gjitha skemat mund të diskutohen. Nëse flasim për Superioren, nuk mund të themi se formula e vjetër apo e sotmja janë ideale. Por, ka një bilanc më të mirë se të tjerat. Mund të rreshtojmë disa argumenta, kjo shmang tolerimin e skuadrave karshi njëra-tjetrës. Momentalisht, është një formulë e kënaqshme, nuk thashë që është ideale.

Partizani – Mund të jenë pjesë e projektit të investimeve. FSHF-ja ka investuar te fushat e vjetra. Nuk është se është financuar pak apo aspak. Ishte miratuar ndërtimi i një fushe para 3 vitesh, tani mund të jemi pjese e ndihmës në stadiumin e ri që po ndertojnë, u shpreh presidenti i FSHF-së Armand Duka.
Shtuar më 31/05/2020, ora 22:59
Shkruani komentin tuaj!
Të fundit nga kjo kategori