Dy londinezet në sulm për Paton
Alexandre Pato sërish në Europë pas eksperiencës me Milanin. Është e mundur, ndoshta në Premier League. Arsenal dhe Tottenham në fakt duan të marrin në Angli ish sulmuesin kuqezi që në muajin e Janarit. Lajmin e bëri të ditur vetë futbollisti brazilian që rrëfeu interesimin zyrtar të "Spurs"-ave në drejtim të klubit të tij aktual, Corinthians.

"Tottenham i ka bërë një telefonate Corinthians dhe ka dërguar edhe një faks për të patur firmën time që do të sanksiononte transferimin që në dritaren e ardhshme të merkatos, por pasi fola me drejtuesit e Corinnthians si dhe me agjentin tim, ju tashmë që doja të qëndroja këtu", është shprehur Pato.

Për sa i përket Arsenalit, tekniku francez Arsene Wenger e konsideron brazilianin si partnerin ideal të sulmit për francezin Oliver Giroud. Në janar të dy klubet, "Topçinjtë" dhe "Gjelat" do të rikthehen në sulm ndaj klubit brazilian.

Pato kartoni i të cilit u ble nga Corinthians për 15 milionë euro, pavarësisht se ka shënuar vetëm 8 gola në 24 ndeshje të luajtura në këtë sezon, është grumbulluar nga kombëtarja braziliane për miqësoret me Australinë dhe Portugalinë të muajit të kaluar. /albeu.com/
Shtuar më 29/10/2013, ora 15:27
Shkruani komentin tuaj!
Të fundit nga kjo kategori