Dybala te Liverpool, më shumë se një hipotezë
Liverpool duket se nuk heq dore nga Paulo Dybala. Sulmuesi i Juventus është nxjerrë thuajse në merkato dhe shumë klube kanë interes të fortë për të marrë.

Sipas "Tuttomercato" është Liverpool klubi që interesohet më fort për Dybala, të cilin mund ta sigurojnë për 100-120 mln euro, edhe për faktin se Sadio Mane, Roberto Firmino dhe Mohamed Salah janë të kërkuar nga shumë skuadra të mëdha në Europë dhe me të gjitha gjasat njëri mes të treve do të largohet në verë.

Për këtë, drejtuesit e Reds e shikojnë Dybala-n si zgjidhja perfekte për pozicionin që do mbajë në fushë.

Për argjentinasin flitet edhe për një shkëmbim me Mauro Icardin e Inter, por ky operacion midis dy skuadrave me tifozeritë që kanë përplasje të forta shikohet si i vështirë.
Shtuar më 21/03/2019, ora 10:41
Shkruani komentin tuaj!
Të fundit nga kjo kategori