E akuzoi që solli fëmijët në zemrën e pandemisë, Wanda Nara "masakron" Maxi Lopez
Uanda Nara i është përgjigjur ish-burrit të saj, Maksi Lopezit, pas akuzave të këtij të fundit që ajo kishte sjellë fëmijëtItali, ose më saktë në zemrën e pandemisë sipas atij.

Me një mesazh tepër të gjatë, bukuroshja argjentinase sqaroi se ishte zgjedhja e saj të linte Parisin dhe të kthehej në Itali, sepse vendi ku ndodhet shtëpia e saj ka shumë pak raste me koronavirus.

Për më tepër, 33 vjeçarja ka sqaruar se mund të kishte marrë dhe avionin për të shkuar në Argjentinë, por vendosi të udhëtonte rreth 10 orë me makinë për të ardhur në Itali, të cilën e quan shtëpinë e saj.

“Ne jetojmë në një qytezë afër Komos, ku ka pak raste me COVID-19. Ndjehem më e sigurte në Itali sesa në Argjentinë. Maksi e di shumë mirë ku e kemi shtëpinë.

E lashë Parisin, pasi u konsultova me doktorin. Ne tashmë jemi italian. Nëse më ndodh diçka, preferoj të më ndodhë këtu. Vendi im është Italia, e cila më ka dhënë gjithçka kam.


Mund të fluturoja për në Argjentinë, por zgjodhëm të udhëtonim me dy makina, i ndamë fëmijët dhe bëmë 750 kilometra. 9 orë e gjysmë udhëtim dhe miliona këngë të luajtura pa pushim. Maksi në vend që të jetë i lumtur për kujdesin tim si nënë …” përfundoi deklaratën e saj Uanda.


Uanda Nara ka 5 fëmijë, 2 me bashkëshortin aktual Mauro Ikardin dhe 3 me ish-burrin Maksi Lopez, të cilin e la për sulmuesin në pronësi të Interit.

Shtuar më 07/04/2020, ora 23:05
Shkruani komentin tuaj!
Të fundit nga kjo kategori