E ardhmja, Mourinho: Vendos në fund të sezonit
Jose Morunho është shfaqur i menduar në konferencën për shtyp duke sqaruar edhe njëherë të ardhmen e tij. Trajneri portugez ka folur gjithashtu mbi deklaratën e presidentit të klubit Canillas, sipas të cilit, tekniku nuk duhet të largohet nga Reali.

"Te klubi Canilla ka një problem të vogël, pasi ata kanë një president i pëlqen të flasë shumë për mediat. Unë nuk jam i trishtuar, kur ka presion nga çdo anë duhet të ulesh dhe të vendosësh atë që është e mira për të gjithë. Për t’u rikthyer te diskutimi rreth klubit Canillas, mund të them se është si një shtëpi e dytë për mua pasi aty luan djali im", deklaroi portugezi.

"Special One" duket i mërzitur me polemikat në klubin "Los Blancos" që ja kanë vështirësuar jo pak punën e tij.

"Nëse ne nuk do të ishim duke luajtur për asgjë atëherë do t’i kuptoja shumë mirë mediat. Jemi në finalen e Kupës së Spanjës e cila është një kompeticion shumë i rëndësishëm për klubin e Realit të Madridit dhe gjithashtu jemi në gjysmëfinalen e Champions League ku do të ndeshemi ndaj një rivali jo të lehtë si Borussia Dortmund. E gjithë kjo është e mjaftueshme për të dhuruar emocione dhe për tu mos marrë me gjëra të pavlera. Unë dua t’i fitoj të dyja kompeticionet", tha Mourinho.

Jose Murinho është treguar i kujdesshëm duke vlerësuar të gjithë kundërshtarët e ardhshëm, duke filluar që nga Real Betis.

"Betis është një ekip shumë i mirë, me lojtarë dhe me trajner të aftë. Ata luajnë shumë mirë edhe në transfertë. Do të jetë një ndeshje shumë e luftuar por unë shpresoj që të marrim një rezultat pozitiv. Sa për ndeshjen me Dortmundin, do të jetë një sfidë e vështirë. Cdo kundërshtar ka karakteristika të vecanta. Në takimin e parë kam qenë shumë i qetë por do të flasim për këtë ndeshje të martën sepse kemi punuar shumë për këtë sfidë", u shpreh tekniku i Real Madrid.

Në fund tekniku i Realit ka vlerësuar futbollin anglez, pasi sipas tij, vendi ishullor sjell një tjetër futboll, të pakrahasueshme me asgjë. Në përfundim ai shton se emocioni që të falin tifozët është dicka e papërshkrueshme për të. Me këtë deklratë, portugezi duket hap "portat" për një afrim të mundshëm te Chelsea. /albeu.com/
Shtuar më 19/04/2013, ora 15:37
Shkruani komentin tuaj!
Të fundit nga kjo kategori