Mund të tingëllojë e çuditshme, por është e vërtetë. Marash Kumbulla ka përfunduar në orbitën e Manchester United.

Mbrojtësi i kombëtares shqiptare po tregon një formë të shkëlqyer te ekipi i tij,Hellas Verona, çka ka ngjallur interesin e shumë skuadrave të mëdha.

Sipas asaj që raporton "L'Arena", përveç Interit dhe Juventusit, në garë për 19-vjeçarin është futur edhe Manchester United. Nuk dihet ende se në çfarë faze janë bisedimet mes palëve, por interesi i United emocionon talentin kuqezi.

Kartoni i tij ka pësuar rritje të ndjeshme në gjysmën e parë të Seria A, ku ka treguar seriozitet dhe pjekuri në repartin e avancuar.

Nëse diçka e tillë do të ndodhte, Kumbulla do të bëhej futbollisti i dytë shqiptar, pas Lorik Canës që luan në Premier League. Futbollisti legjendar i kuqezinjve u aktivizua për një sezon me Sunderland, ku mbajti edhe shiritin e kapitenit.