Presidenti i Kukësit, Safet Gjici, në prezantimin e trajnerit të ri, Peter Pakult, ndër të tjera komentoi edhe divorcin me serbin Mlladen Milinkoviç.

Sipas Gjicit, Milinkoviç nuk e mbajti dot presionin te Kukësi, në një kohë që kishte bërë mirë te Luftëtari sezonin e kaluar.

Burime pranë trajnerit serb mendohet se ky i fundit nuk e ka firmosur akoma zgjidhjen e kontratës, edhe pse kanë kaluar 10 ditë nga largimi.

Të njëjtat burime i thanë gazetës se arsyeja e refuzimit të firmosjes së zgjidhjes me mirëkuptim të kontratës janë bërë dy rrogat e fundit.

Milinkoviç dhe ndihmësi i tij Vasil Papa pretendojnë se nuk janë paguar në dy muajt e fundit. Mbetet për t’u parë se si do të rrjedhin ngjarjet, por një gjë është e sigurtë: ish-trajnerët nuk kanë ndërmend të heqin dorë nga pretendimet e tyre. /albeu.com/