E keni harruar? Arda Turan vazhdon akoma të jetë lojtar i Barcelonës
Shumëkush mund ta ketë harruar, por Arda Turan është ende nën kontratë me Barcelonën në Spanjë. Mesfushori u ble nga katalanasit në verën e vitit 2015 për shumën e 35 milionë eurove, por në asnjë moment nuk e justifikoi besimin dhe investimin e bërë në të.

Turan luajti dy sezone me katalanasit, ndërkohë që pati probleme ligjore në Turqi pasi kaloi te Basaksehir në vitin 2018. Mesfushori pati një sherr me një këngëtar dhe shkoi në spital i armatosur, madje edhe qëlloi në ajër. Gjobat nga klubi turk për të ishin të shumta. Turan rrezikonte burgun, por ia hodhi paq.

E ARDHMJA – Arda Turan nga sot nuk do të jetë më pjesë e Basaksehir dhe me letra i duhet të rikthehet te Barcelona, pasi është nën kontratë deri në fund të këtij sezoni. Kjo nuk do të ndodhë, pasi katalanasit do e huazojnë sërish.

Gazetari Nicolo Schira raporton se Turan, tashmë 32 vjeç, do të largohet menjëherë nga Barcelona dhe do t’i bashkohet një tjetër klubi gjigant në Turqi: Galatasarayt. Një rikthim pas gati nëntë vitesh, në klubin ku ai ka luajtur që me moshat.
Shtuar më 07/01/2020, ora 13:04
Shkruani komentin tuaj!
Të fundit nga kjo kategori