E pazakontë ajo që ndodh me klubin e futbollistit shqiptar, ndërpret kontratat me lojtarët
Situatë dramatike në futbollin norvegjez, për shkak të krizës së rëndë financiare që ka shkaktuar Koronavirusi.

Skuadra e Valerengës, ku aktivizohet mesfushori i Kosovës, Herolind Shala, i ka shkëputur kontratën të gjithë lojtarëve, duke mos pasur mundësi që të shlyejë detyrimet e tyre.

Në një intervistë për “Sporti në KTV”, Shala ka treguar situatën e pazakontë.

Shumë i paqartë në lidhje me të ardhmen, ndërsa vazhdon të shpresojë për vazhdimin me Valerangan, pasi në këto kohë është e pamundur që të mendohet një transferim i ri.

“Po këtu në Norvegj kanë nisur këto stërvitjet me pak lojtarë, me nga 5 të tillë. Situata është shumë e vështirë dhe ka mundësi që të shtyhet edhe pas 15 qershorit kampionati. Tani na kanë shkarkuar të gjithëve pas krizës financiare. 25% të kontratës po na paguan klubi dhe një pjesë tjetër po vjen nga shteti. Të gjitha klubet kanë këto probleme dhe jam pa kontratë tani. Fokusimi im është që të iki sa më shpejt ky virusi dhe të vazhdoj këtu ku jam. Problemi është se futbolli është ndalur kudo, gjithçka është e mbyllur, ku mund të iki unë tjetër”, shprehet Shala.
Shtuar më 14/04/2020, ora 11:16
Shkruani komentin tuaj!
Të fundit nga kjo kategori