Barcelona ka deklasuar me rezultat 7-0 skuadrën e Rayo Vallecanos në takimin e zhvilluar të dielën mbrëma në Estadio de Vallecas Teresa Rivero.

Goli i parë u shënua nga Lionel Messi (16’), ndërsa pas disa minutave epërsia u dyfishua me një autogol të Roberto Correa-s.

Për 3-0 shënoi Seydou Keita (39’).

Në pjesën e dytë, seria e golave vazhdon përmes Pedro Rodriguez (47’).

Goli i pestë erdhi nga Thiago Alcantara (77’), derisa Pedro me golin e dytë personal shënoi për setin e parë (87’), ndërsa sërish asistues ishte numri dhjetë.

Golin e fundit e shënoi Lionel Messi, i cili u barazua në listën e golashënuesve me Cristiano Ronaldon (me nga 43 gola të shënuar në La Liga këtë edicion).

Përkundër fitores, Barcelona mbetet me shtatë pikë prapa Real Madridit. /albeu.com/