EUROPA LEAGUE/ Napoli nuk grumbullon shqiptarët Hysaj - Rrahmani
Elseid Hysaj dhe Amir Rrahmani do të vazhdojnë të mbeten jashtë klubit të Napolit edhe për ndeshjen e radhës të skuadrës, e cila është në Ligën e Europës ndaj AZ Alkmar si pasojë e COVID-19.

Të dy futbollistët shqiptarë rezultuan pozitivë teksa ishin të grumbulluar me përfaqësueset respektive, Shqipërinë dhe Kosovën.

Ndërkohë, edhe në testet e fundit, duket se virusi ende ka gjurmë te ta, ndaj është e pamundur të bashkohen rregullisht me skuadrën e kaltër.

Napoli do të luajë të enjten ndeshjen mjaft të rëndësishme për Grupin F në transfertën holandeze me AZ Alkmar, e cila mund të vendosë fatin e kualifikimit në fazën tjetër.

Shtuar më 01/12/2020, ora 11:25
Shkruani komentin tuaj!
Të fundit nga kjo kategori