Fabio Capello është i befasuar totalisht se si Jose Mourinho dhe Antonio Conte e kanë lënë grindjen e tyre publike të shkojë kaq larg, duke thënë se atyre i ka ikur mendja.

Conte dhe Mourinho janë duke u grindur me fjalë publikisht që prej se portugezi sugjeroi se rivali i tij është kloun për shkak se është shumë i gjallë në vijën anësore.

“Është fanella e Chelseat që i bën nervoz trajnerët. Të gjithë i mbajmë në mend ankthet kur ai [Mourinho] ishte trajner i Chelseat”, ka thënë Capello.

“Conte po e bën pikërisht të njëjtën gjë si Mourinho. Të gjithë e mbajmë mend Mourinhon duke rënë në gjunjë në mes të fushës apo Mourinhon duke vrapuar pas ndonjë fitoreje”, ka shtuar trajneri italian.

“Atyre iu ka ikur mendja krejtësisht. Nuk e imagjinoja se do të shkonin kaq larg”. përfundoi ai. /albeu.com/