"Blerim Xhemaili do të luajë në sezonin e ardhshëm me Milanin", të paktën kështu pretendojnë të afërmit e lojtarit. Sipas një burimi familjar të futbollistit në kushtet e anonimatit, futbollisti ka arritur marrëveshjen me klubin kuqezi dhe tani është vetëm në pritje të zyrtarizimit të akordit.

Sipas të afërmve të futbollistit me origjinë shqiptare, Xhemaili prej më shumë se një muaj ka gjetur një akord me "Djallin" dhe këtë ia ka bërë të ditur edhe klubit të Napolit.

Mësohet se tashmë ka mbetur vetëm që dy klubet të ulen në një tryezë dhe të gjejnë një marrëveshje. Për momentin Milani ofron 3 milionë euro për kartonin e lojtarit, ndërsa 6 milionë është kërkesa e Napolit. /albeu.com/