Felipe Melo: Kam grushtuar Diego Lopez
Felipe Melo zbulon një tjetër takim mjaft të dhunshëm pasi rrëfeu se e ka goditur me kokë Giorgio Chiellini, duke thnë se ai e ka ‘grushtuar’ trajnerin aktual të Brescia, Diego Lopez.

Ish-mesfushori i Fiorentinës, Juventusit dhe Interit u ofendua kur Chiellini e quajti atë “një mollë të keqe që gjithmonë rrezikon të krijojë një zënkë”, por në përpjekjet e tij për ta mohuar këtë, Melo duket se po e konfirmon atë.

Ai tha në një bisedë të drejtpërdrejtë në Instagram me Sebastien Frey se Chiellini “thjesht ka një problem me mua sepse unë i rashë me kokë kur po luanim kundër Sienës”.

Duke folur me Frey, ai zbuloi një gjë të shëmtuar që ka bërë.

“Më kujtohet ndeshja kundër Cagliari, Diego Lopez kishte shkatërruar fytyrën e Alberto Gilardino gjatë një sfide dhe po më fyente mua dhe vajzën time, e cila sapo kishte lindur”, tha lojtari i atëhershëm i Fiorentinës.

“Ai më tha: ‘do të takohemi jashtë’. Ne e fituam ndeshjen në minutën e fundit dhe përfunduam ballë për ballë në tunel… Unë nuk i dhashë kohë as të fliste para se ta godisja”.
Shtuar më 14/05/2020, ora 19:49
Shkruani komentin tuaj!
Të fundit nga kjo kategori