Edhe pse te Milani ka tre ndeshje që fitohet, përsëri gazeta franceze, “France Football” vazhdon të shkruajë se trajneri Gennaro Gattuso nuk do të jetë më trajner i Milanit.

Ata shkojnë edhe më tej teksa bëjnë me dije se trajneri i ardhshëm i kuqezinjve do të jetë Arsene Wenger. Gjithnjë sipas “France Football” Wenger ka kohë që ka nisur tashmë tratativat me skuadrën e Milanit dhe dakordësia është pothuajse e arritur.

Në këtë post Wenger do të zëvendësonte trajnerin Gattuson i cili deri para pak kohësh ishte në krizë rezultatesh te kqezinjtë. Nga ana tjetër Wenger është përfolur shumë edhe për të marrë drejtimin e skuadrave si Bayern i Munichut, Real Madrid, Fenerbahçe ose skuadrën Kombëtare të Kinës.