Klubet evropiane të futbollit tashmë janë nën varesine e sheikëve arabë. Paris Saint Germain dhe Manchester City janë shembulli më i mirë për këtë. Klubi francez dhe ai anglez kanë bërë shpenzime marramendëse në merkaton e transferimeve dhe e gjithë kjo në një moment kur kontinenti i vjetër është mbërthyer nga kriza financiare.

Deri tani kompania "Qatar Sports Investment" ka shpenzuar 200 milionë euro për blerjen e futbollistëve. Gjithcka filloi verën e kaluar, kur padroni i PSG, Al Thani siguroi shërbimin e Javier Pastores për 43 milionë Euro, ndërkohë që në janar mbërritën edhe Thiago Mota, Geremy Menez apo Maxwell.

Kjo vijoi edhe në verën e këtij viti kur 30 milionë Euro i shkuan Napolit për Lavezzin dhe 62 milionë Euro u derdhën në arkat e Milanit për Ibrahimoviç e Thiago Silvën.

Por ai që krijoi këtë tendencë ishte Manchester City. Në vitin 2008 sheiku Mansour bleu klubin anglez dhe gjatë këtyre 4 viteve janë shpenzuar 1.1 miliardë Euro për blerjen e futbollistëve, pagat e tyre dhe shërbime të tjera.

Gjithcka filloi me Robinho, për të cilin City i pagoi Real Madrid 43 milionë euro. Më pas te mbërritën Sergio Aguero, David Silva, Adebayor, Nasri dhe Mario Balotelli për pagat e të cilëve Sheiku Mansour shpenzoi 360 milionë Euro.

Ja pra cilët janë pronarët e rinj të futbollit në Europë. /albeu.com/