Futbollistët që kanë xhiruar më shumë para (FOTO LAJM)

Zlatan Ibrahimoviç - 146,8 mln euro
Zlatan Ibrahimoviç është futbollisti që ka xhiruar më shumë para gjatë transferimeve të tij nëpër klubet e ndryshme të Evropës. Ka qenë e përditshmja spanjolle "Sport", e cila ka shpjeguar se nëse Ibra do shitej te PSG-ja për shumën e 40 milionë eurove, do thyente rekordin e tij, duke kapur shifrën e 188 milionë eurove. Deri tani, nëse mbledhim të gjitha çeqet që kanë lëshuar klubet evropiane për të, rezulton të jenë paguar 146.8 milionë euro për suedezin.

Zlatan Ibrahimoviç i ka kushtuar Ajax, i cili e bleu nga Malmo rreth 7.8 milionë euro, më pas Juventusi e bleu për 16 milionë. Në vitin 2006 suedezi u transferua te Interi për shumën e 24 milionëve. Barcelona, në vitin 2009 shpenzoi për të shumën e 69 milionë eurove, ndërkohë që transferimi i tij i fundit te Milani u krye për 30 milionë euro.

Me pak fjalë, shifra marramendëse. Në total, Ibrahimoviç është futbollisti i parë që ka xhiruar më tepër para. Pas suedezit, në këtë renditje vjen Nicolas Anelka (134 milionë euro), Hernan Crespo (121 milionë), Juan Sebastian Veron (117 milionë) dhe në vend të pestë të kësaj renditjeje pozicionohet portugezi i Real Madrid, Cristiano Ronaldo, për të cilin janë paguar deri më tani 111.5 milionë euro. /albeu.com/

Shtuar më 07/06/2012, ora 10:25
Shkruani komentin tuaj!
Të fundit nga kjo kategori