Gafa e Kilit, e bën Sanchez lojtar të Bayernit (FOTO)

Tifozët e Arsenal-it kanë mbetur mbrëmë të shokuar pas postimit të djeshëm të bërë nga Kili për grumbullimin e radhës.

Skuadra e Juan Antonio Pizzi-t do të përballet me Gjermaninë, Australinë dhe Kamerunin në Kupën e Konfederatave e cila do të zhvillohet në Rusi muajin tjetër.

Ndërkohë që në formacionin zyrtar të publikuar në Twitter kombëtarja e Kilit e prezantoi Alexis Sanchez si një lojtar të Bayern Munich. Një veprim të cilin e kanë korrigjuar më pas.

Sulmuesi i Arsenalit, është i zhgënjyer nga moskualifikimi i “Topçinjve” në Champions League, për sezonin e ardhshëm, dhe për këtë arsye po mendon largimin nga “Emirates”.

Agjenti i 28-vjeçarit ka fluturuar drejt Gjermanisë për t’u takuar personalisht me drejtuesit e klubit bavarez. Lajm jo i mirë ky për Milanin dhe Mancheter United që gjithashtu kërkonin kartonin e Sanchez./albeu.com/

Shtuar më 24/05/2017, ora 12:34
Shkruani komentin tuaj!
Të fundit nga kjo kategori