Galliani zbulon dy keqardhjet e tij te Milani: Iu tregoj si më ikën nga dora Del Piero e Ronaldo
Adriano Galliani ka zbuluar dy pendimet e tij më të mëdha si drejtues i Milanit që kanë lidhje me Alessandro Del Pieron dhe Cristiano Ronaldon.

Galliani kaloi 31 vjet duke menaxhuar Milanin që ishte nën pronësinë e Silvio Berlusconit, duke fituar pesë Liga të Kampinëvë midis viteve 1986 dhe 2017.

“Milani kishte probleme financiare në kohën e arritjes sonë, por skuadra tashmë kishte baza të mira”.


Silvio Berlusconi dhe Adriano Galliani (Foto: Getty Images)

“Ne nënshkruam menjëherë me Gullin dhe Van Basten dhe, vitin e ardhshëm, arriti gjithashtu Rijkaardi. Tashmë kemi pasur një mbrojtje të shkëlqyeshme dhe shtuam më shumë kampionë në skuadër”, fillon tregimi i tij për Sky Sport Italia.

“Kaka ka mbetur gjithmonë në zemrën time. Shevchenko ishte i jashtëzakonshëm, por e njëjta vlen edhe për Ronaldinhon, Weah, Bobanin, Savicevicin….”.


Pas sukseseve dhe lojtarëve të mëdhenj që i kishte afruar, 75-vjeçari rrëfeu se gabime, që sipas tij kanë qenë dy të mëdha.


“Tevez ishte dashur të arrinte, por nuk erdhi. Ne ishim afër për një marrëveshje me Roberto Baggion pesë vjet para ardhjes së tij në Milano”.

“Ne gjithashtu u përpoqëm të merrnim Del Piero para se të shkonte te Juventusi, dhe ai është një nga dy lojtarët për të cilët më vjen keq që nuk kam nënshkruar me ta”.


“Padova na e ofroi, por donte shumë para, një tarifë shumë e madhe për një djalë kaq të ri, dhe ne nuk ishim aq të bindur”.

“E njëjta gjë vlen edhe për Cristiano Ronaldon: ai ishte 16 vjeç dhe Sporting CP na kërkoi një shumë të madhe”.


“Ne gjithashtu e ndjekëm Tottin për një kohë të gjatë, por ai kurrë nuk donte të largohej nga Roma”, tregon Galliani.

Ai tregon se Zlatan Ibrahimovic pas shitjes në Paris Saint-Germain nuk i ka folur për një kohë të gjatë.

“Ne e shikuam atë kur ishte te Ajaxi, por atëherë ai nuk shënoi shumë gola”.

“Ai u përmirësua shumë nën Capellon, dhe në 2006 gjetëm një marrëveshje me të. Megjithatë, ndodhi Calciopoli dhe për këtë arsye gjithçka ndryshoi”.


“Unë e shita në vitin 2012 dhe ai nuk më foli për ca kohë, sepse i premtova se nuk do ta shesja kurrë”.

“Gjithë kjo ishte për arsye buxhetore, të njëjtat arsye që ne gjithashtu duhej ta shisnim Thiago Silvan”, ka treguar Galliani.

Shtuar më 13/04/2020, ora 17:46
Shkruani komentin tuaj!
Të fundit nga kjo kategori