Gareth Bale i ka bërë thirrje klubit të tij Real Madrid ta transferojë bashkëkombësin e tij, Aaron Ramsey, sipas Teamtalk.

Në fakt Real Madridi është duke e vëzhguar situatën e Ramsey, i cili i ka ndërprerë bisedimet me klubin e tij Arsenal për vazhdimin e kontratës.

Ramsey do të mbetet lojtar i lirë verën e vitit të ardhshëm, dhe do të mundë të ndërrojë skuadër sipas dëshirës.

Përveç Real Madridit, edhe gjigantët tjerë evropianë si Manchester City, Manchester United dhe Milan janë të gatshëm të hidhen në sulm për mesfushorin.