Gazetari gjerman i kërkon falje Shaqirit: "Bëre zgjedhjen e duhur"
Në një letër publike drejtuar Shaqirit, Michael Krogerus, gazetari sporti në prestigjiozen NZZ, i kërkon falje atij në emrin e gazetarëve për vlerësimin e gabuar që i kishin bërë vendimit të Xherdanit për të kaluar ne Stoke të premierligës, shrkuanalbinfo.ch.

«Më duhet të ju kërkoj falje. Në emrin e (shumicës së) gazetarëve sportivë. Në fakt ishte kështu: Në fillim ne ju patëm mbivlerësuar, e pastaj, nënvleftësuar. Në fillimet e para ne ishim magjepsur. Ne nuk kishim parë për kohë të gjatë një lojtar të tillë me talent të veçantë dhe me një drejtpërdrejtshmëri të tillë të paimagjinueshme (edhe jashtë fushës).

Qoftë dhe një fëmijë katërvjeçar do ta ndjente se juve ju duhet një skenë më e madhe se ajo e Bazelit. Pastaj erdhi kalimi në Bajern të Munihut. Atje keni pasur një përpjesëtim të paimagjinueshëm në mes të ndeshjeve të luajtura dhe kupave të fituara. A ka ndodhur ndonjëherë që një futbollist të luajë kaq rrallë dhe të grumbullojë kaq shumë kupa?

Ngadalë, ne filluam të dyshonim në rezultatet tuaja. Është e vërtetë se në Bajern ju dhanë pak shanse – por përse ju ato pak shanse që u jepeshin i shpërdoronit sikur një tinejxher i rebeluar? Edhe në ndeshjet me kombëtaren ne kishim gjithnjë më shpesh vërejtje ndaj jush, edhe pse ju luanit në një klas botëror.
Vendimin për braktisjen e Bajernit ne e përshëndetëm; por «martesën e pabarabartë» në mes jus dhe Interit ne nuk e kuptuam asnjëherë. Dhe pastaj Stoke City…

A ishte thjesht gjest mëshire apo shpotitjeje kur ne në një raport gazetaresk e vendosëm një shenjë në hartën e publkuar aty për të dalluar këtë lokalitet të panjohur? Disa madje, si tinëz qesheshin me tweter-in dashakeq të një anglezi që shkruante: «Shaqiri kalon në Stoke dhe me këtë bëhet njeriu i parë i lindur në Shqipëri, që aterron në një vend edhe më të keq».

Stoke, ky pellg i talenteve të amshueshme: Bojan Krkiç, Peter Crouch, Ibrahim Afellay, Marko Arautovic dhe tash, edhe ju. Pas disa ndeshjeve unë tashmë as që i shikoja më rezultatet. Unë e kisha ndërtuar gjykimin, unë ju pata çregjistruar. Nuk kisha idenë.

Prej pak javësh ju po bëni sërish rrëmujë në premierligë me paraqitjet e shkëlqyera, pasimet e rrufeshme dhe me paraqitjen e parezistueshme. Çdo prekje e topit nga ana juaj është një rrëzim i gjykimit që kisha marrë unë për ju", shkruhet në letrën e gazetarit gjerman.
Shtuar më 15/12/2015, ora 17:47
Shkruani komentin tuaj!
Të fundit nga kjo kategori