Antoine Griezmann në merkaton e verës ka qënë shumë pranë kalimit te klubi i Barcelonës, por në ditët e fundit të merkatos ai refuzoi duke vazhduar me klubin e Atleticos.

Së fundmi francezi e ka pranuar se ka qenë e vështirë për të refuzimi i ofertës së Barcelonës gjatë verës, mirëpo përkrahja e Atletico Madridit e ka ndihmuar atë që të vazhdojë qëndrimin.

“Është shumë e vështirë ta refuzosh Barcelonën”, ka thënë Griezmann.

“Mirëpo jam te klubi ku ndihem i rëndësishëm, dhe ku ata ndërtojnë një projekt rreth teje”.

Griezmann ka shënuar gjashtë gola deri më tani në La Liga, me Atletin në pozitën e tretë në renditje, një pikë më pak se Barcelona në krye./albeu.com/