Legjenda e futbollit francez, Thierry Henry është zyrtarisht trajner i skuadrës së Monacos që militon në kampionatin francez. Henry ka firmosur me Monacon për tre vitet e ardhshme. Kujtojme që francezi ka qenë pjesë e skuadrës së Monacos për gjashtë sezone, nga viti 1993 deri në vitin 1999 ku shënoi 28 gola.

“Së pari, falënderoj Monaco-n për mundësinë e dhënë, sepse bëhet fjalë për një klub special për mua. Jam shumë i lumtur që kthehem te Monaco dhe jam shumë i vendosur që të përballem me sfidat që më presin. Pres me padurim të takohem me lojtarët dhe të punojmë së bashku”, tha Henry. /albeu.com/