Ibrahimovic nis stërvitjen me klubin suedez
Zlatan Ibrahimovic mësohet se ka marrë pjesë në seancën stërvitore me klubin suedez Hammarby.

Drejtori sportiv i klubit Jesper Jansson konfirmoi se 38-vjeçari, i cili zotëron 25 përqind të klubit, mori pjesë në seancën stërvitore pas dyerve të mbyllura.

"Zlatan ishte në shtëpi në Stokholm me familjen e tij dhe mendoi se ai donte të prekte topin përsëri", i tha Jansson faqes zyrtare të Hammarby.

"Ne kemi kryer seanca trajnimi vullnetare por të hënën do të kthehemi në seancat e grupit dhe Zlatan është i mirëpritur të stërvitet me ne".

Futbolli është i bllokuar për momentin në Itali dhe e ardhmja e ish-sulmuesit suedez në Milano është akoma e pasigurt, pasi kontrata e tij me Rossonerët skadon këtë verë.
Shtuar më 09/04/2020, ora 14:51
Shkruani komentin tuaj!
Të fundit nga kjo kategori