Ikën Elvin Beqiri, Vllaznia mbetet pa trajner
Pak ditë më parë, Elvin Beqiri u emërua në krye të kombëtares shqiptare të moshave, U-17.

Më parë kishte qënë si zv/trajner i kësaj skuadre, por tashmë do të jetë në krye të saj.

Por, duket se një pozicion i tillë e privon nga një tjetër detyrë.

Bëhet fjalë për pozicionin që mban tek Vllaznia. Aktualisht, Beqiri është zv/trajner i skuadrës shkodrane.

Por, duket se shumë shpejt do të japë dorëheqjen nga ky post që mban. Kjo për shkak të angazhimit të madh që do të ketë në krye të 17-vjeçarëve kuqezi.

ShkodraNeës raporton se me ish-mbrojtësin Beqiri dhe ai e pranoi se nuk do mundet të vazhdojë të jetë pjesë e kuqebluve.

“Nuk besoj se do mundem të vazhdoj të jem edhe tek Vllaznia njëkohësisht edhe të kombëtarja U-17. Nuk e di ditën e saktë kur do tërhiqem, por të shohim.

Besoj se brenda pak ditësh do marr vendimin për tu laguar nga Vllaznia dhe për t’iu përkushtuar plotësisht Shqipërisë U-17.” – thekson shkurtimisht Beqiri.
Shtuar më 29/11/2018, ora 11:44
Shkruani komentin tuaj!
Të fundit nga kjo kategori