Zëvendësuesi i Samuel Eto`o tek Interi do jetë Diego Forlan, për një shifër të përafërt me 5 milion euro. Ditën e sotme pritet finalizimi i tratativës, që sipas mediave spanjolle, ka përfunduar dhe lojtari pritet të shkojë në Milano.

Sipas tyre kanë mbetur vetëm detajet e fundit të kontratës për t'u saktësuar dhe vizitat mjekësore, që do të mundësojnë edhe zyrtarizimin e sulmuesit uruguaian si lojtari më i ri i Interit.

Diego Forlan i kishte kërkuar trajnerit të Atleticos së Madridit që të mos grumbullohej për transfertën e Europa League e cila u luajt dje, sepse tashmë nuk ndihej më pjesë e skuadrës spanjolle. /albeu.com/