Drejtorin sportiv të Interit, Piero Ausilio mbrëmjen e të martës ishte i pranishëm në stadiumin Parc des Princes për të ndjekur nga afër sfidën e Championsit mes PSG-së dhe Realit të Madridit.

Në fakt vizita e drejtuesit zikaltër kishte të bënte me merkaton, pasi Interi po studion terrenin për të afruar në skuadër gjatë verës së ardhshme tre futbollistë me peshë që janë pjesë e këtyre dy skuadrave. Bëhet fjalë për dyshen argjentinase të Paris Saint Germain, Di-Maria-Pastore të cilët prej kohësh janë në radarët e klubit milanez por edhe për ishin e madh Mateo Kovacic, i cili po gjen pak hapësira në formacionin e Zidane te Reali i Madridit dhe Ausilio synon ta rikthejë në San Siro.

Për momentin Interi nuk ka bërë asnjë ofertë për asnjë nga futbollistët por diçka e tillë pritet të ndodhë në muajt e ardhshëm./albeu.com/