Interi nuk ndalet në merkato, në bisedime me Parmën për dy futbollistë
Drejtori sportiv i Parmës Marcello Carli është ndalur të flasë për merkaton e klubit emilian dhe ka pranuar se Matteo Darmian mund të jetë duke luajtur ndeshjen e fundit me verdheblutë.

"Me Darmian është një diskutim i nisur me Interin që një vit më parë. Nuk mund të them nëse është ndeshja e tij e fundit apo e parafundit me Parmën, pasi duhet të shohim rrjedhën e ngjarjeve, por sipas një marrëveshjeje të vjetër, ai duhet të transferohet te Interi’’, u shpreh Carli.

Ditët e fundit është folur shumë edhe për një interes të zikaltërve për sulmuesin e Parmës, Gervinho, i cili shikohet si profili ideal nga Conte për të kompletuar repartin ofensiv, ndërsa Carli nuk e mohon ekzistencën e negociatave.

"Gervinho është një lojtar i Parmës dhe natyrisht që do të pranonim largimin e tij, nëse vjen oferta e duhur. Mbase edhe futbollisti ka nevojë për stimuj të rinj, megjithatë do të largohet vetëm nëse vjen oferta e duhur, qoftë nga Interi apo ndonjë klub tjetër", u shpreh Carli.
Shtuar më 29/09/2020, ora 12:55
Shkruani komentin tuaj!
Të fundit nga kjo kategori