Ish-sulmuesi i Kombëtares italiane bëhet baba për herë të parë
Ish-sulmuesi i Kombëtares italiane, Christian Vieri është bërë baba i një vajze.

Gruaja e tij Costanza Caracciolo ka sjellë në jetë "Stella-n", dhe Vieri nuk ka ngurruar që të postoj një foto ku shkruante: “Sot ishte dita më e lumtur e jetës sime. Tani e kuptoj emocionin që një prind ndjen kur të vendosin mes dy duarve vogëlushen tënde, për këtë mrekulli që na dha jeta, do të jem mirënjohës gjithë jetën. Të dua. Mirëserdhe Stella”.

Ndërkohë mediat italiane shkruajnë se nëna dhe vogëlushja janë në gjendje të mirë shëndetësore. Lajmi i pritjes së ëmbël u mësua vetëm kur ish-velina ishte në muajin e shtatë të shtatzënisë.

Gjithashtu mediat vendase shkruajnë se çifti u lidh në vitin 2017 dhe në të njëjtin vit Costanza humbi një fëmijë pas një aborti./albeu.com/
Shtuar më 19/11/2018, ora 11:35
Shkruani komentin tuaj!
Të fundit nga kjo kategori