Ja pse Luis Van Gal i dha fund futbollit
Luis Van Gal është një nga trajnerët më të famshëm të botës së futbollit. Holandezi befasoi me Ajax-in e mesit të viteve 90-të, duke dërguar “Harkëtarët” dy herë në finale e Ligës së Kampioneve. Njërën e fitoi përballë Milanit, ndërsa tjetrën e humbi me penallti kundër Juventusit.

Van Gal ka drejtuar dhe fituar trofe edhe me Barcelonën, Bajernin e Mynihut, Manchester United dhe AZ Alkmarin. Ai është nga ata personazhë, të cilët i dashuron ose i urren.

Profesioni i tranerit të privon nga shumë gjëra, sidomos jeta private. Van Gal ka marrë vendimin për t’i thënë mjaft pasionit të tij. Shkaku është gruaja e tij. Trus ka sakrifikuar shumë për të dhe Luis dëshiron që të kalojë më shumë kohë të lirë me gruan e tij të dashur.

“Do të largohem nga futbolli. Gruaja ime e la punën e saj përpara 22 vitesh për të më qëndruar mua afër dhe për të më shoqëruar në punën jashtë vendit. I kisha premtuar se do të tërhiqesha në moshën 55-vjeçare. Tani, në të vërtetë, unë jam 67 vjeç dhe nuk mund të vazhdoj më. Ashtu si lojtarët, edhe gruaja ime ka të drejtën për të jetuar me Luis Van Gal. Dhe mund të them që ajo është shumë e lumtur”, përfundon trajneri i famshëm holandez për spanjollen “AS”. /albeu.com/

Shtuar më 11/03/2019, ora 16:34
Shkruani komentin tuaj!
Të fundit nga kjo kategori