Ish-trajneri i Kombëtares Shpresa, Redi Jupi ka folur për herë të parë për largimin e Paolo Tramezzanit nga kuqezinjtë e drejtuar nga Gani de Biasi. Jupi theksoi se zgjedhja e Tramezzanit ishte e gabuar pasi me mundësinë e parë që ju dha ai u largua.

“Tramezzanit u caktua drejtor teknik. Ai kishte kohë që e donte ta kishte këtë rol më parësor se ai që kishte si ndihmës i De Biasit. Me mundësinë e parë që iu dha ai u largua”, u shpreh për Panorama Sport.

Gjithashtu Jupi ka folur edhe për marrëdhëniet që ka me De Biasin duke hedhur poshtë të gjitha zërat për ndonjë konflikt të mundshëm me italianin.

“Mbase do të jetë mërzitur kur i morëm barazimin U-21 të Italisë në gusht, si italian që është (qesh...). Nuk ka asnjë të vërtetë për të gjithë zërat që kanë qarkulluar në media pasi unë kam një marrëdhënie normale dhe profesionale me De Biasin”, përfundoi Jupi.