Juventus nuk heq dorë nga mesfushori i Romës
Pëlqej
Spekulimet për interesimin e Juventusit për mesfushorin e Romës, Kevin Strootman, nuk kanë të ndalur.

“Zonja e Vjetër” është gati të shpenzojë 40 milionë euro për shërbimet e tij.

La Gazzetta dello Sport dhe Mediaset Premium raportojnë se bardhezinjtë do t’ia dorëzojnë ofertën e re Romës, pasi duan në radhët e veta futbollistin holandez.

Strootman ka një klauzolë prej 45 milionë eurosh, por Juve i është afruar shumë kësaj shifre.

Edhe pse bardhezinjtë e transferuan Blaise Matuidin nga Paris Saint-Germaini, Massimiliano Allegri dëshiron edhe një tjetër përforcim në mesfushë.

Strootman konsiderohet si alternativë më e lirë se Mateo Kovaçiç i Real Madridit, ndërsa në marrëveshje mund të përfshihet edhe Juan Cuadrado, të cilin e kërkon drejtori i Romës, Monchi. /albeu.com/
Shtuar më 23/08/2017, ora 21:25
Shkruani komentin tuaj!
Të fundit nga kjo kategori