Juventusi mposht pastër Bolognan (VIDEO)
Juventus ka mposhtur Bolognan në kuadër të javes së 19-të të Serie A.

"Bianconerët" ishin në kontroll të ndeshjes pothuajse tërë kohën, dhe nuk dhanë shanse për ndonjë befasi të mundshme.

Ishte braziliani, Arthur, i cili shënoi golin e tij të parë në fanellën "Bianconere" në minutën (15’) pas një asistimi nga Ronaldo.

Pjesa e parë u mbyll me avantazhin e Juves.

Në pjesën e dytë, mysafirët tentuan të krijojnë diçka, por pa rezultat.

Weston McKennie realizoi gol në minutën (71’) pas një asistimi nga Cuadrado.

Ndeshja përfundoi me rezultatin 2-0 në favor të Juventusit.

Tani, Juve mban pozitën e katërt me 36 pikë dhe një ndeshje më pak se rivalët për titull. Ndërsa, Bologna qëndron në pozitën 13-të me 20 pikë total.
Shtuar më 24/01/2021, ora 14:34
Shkruani komentin tuaj!
Të fundit nga kjo kategori