Kaka-Orlando City, arrihet akordi
Afrohet edhe më shumë dita e largimit të Ricardo Kaka nga Milani. Pas fjalëve të presidentit të Sao Paolos Carlos Miguel Aidar për rrjetin televiziv "Espn" mbeten të pakta dyshimet përsa i përket faktit se mesfushori brazilian do ti japë fund aventurës së tij me skuadrën kuqezi.

Sipas asaj që bëjnë të ditur mediat braziliane 32-vjeçari ka arritur tashmë akordin me klubin amerikanOrlando Cityt. Megjithatë përpara se të transferohet në Shtetet e Bashkuara të Amerikës Kaka do të ketë një eksperiencë disamujore me Sao Paolon klub ku ai u bë i njohur si futbollist.

Orlando City do të regjistrohet në Major League Soccer në mars të 2015 dhe deri në këtë periudhë drejtuesit e klubit amerikan do ta huazojnë fantazistin brazilian te klubi paulistë në mënyrë që Kaka të jetë në formën optimale kur të startojë sezoni në Shtetet e Bashkuara të Amerikës.

Largimi i "Topit të Artë 2007" vë në pozita të vështira MIlanin që duhet të fillojë nga puna për të gjetur zëvendësuesin e tij. Sipas mediave italiane klubi kuqezi ka hedhur sytë nga sulmuesi i Veronës Juan Manuel Iturbe. Për argjentinasin kanë shfaqur interes edhe Roma, Juventusi dhe Reali i Madridit. Për ta lënë të lirë yllin e tyre drejtuesit e Veronës kërkojnë nga 25 deri në 30 milionë euro. /albeu.com/
Shtuar më 20/06/2014, ora 14:37
Shkruani komentin tuaj!
Të fundit nga kjo kategori