Kalendari: Derbi i kryeqytetit luhet me drita, sfidat e tjera të shtunën
Kalendari i Kategorisë Superiore ka në program këtë javë një ndeshje reklamë për kampionatin shqiptar siç është derbi i kryeqytetit mes Tiranës dhe Partizanit.

Kjo sfidë është vlerësuar duke qenë se do të luhet ditën e premte në orën 18:00, ndërsa takimet e tjera do të luhen të gjitha të shtunën. Sa i përket gjendjes së skuadrave, ato janë krejtësisht të ndryshme.

Partizani i Ilir Dajës vjen si kryesues me 10 pikë, ndërsa Tirana është me gjysmën e pikëve të grumbulluara dhe me shumë probleme, teksa trajneri Nevil Dede nuk ka mundur në këto tre javë të marrë fitoren e tij të parë. Bardheblutë shpresojnë të rikuperojnë ndonjë prej futbollistëve të dëmtuar për këtë sfidë.

Ndërkohë, të shtunën, Kukësi që tashmë pas dy fitoreve radhazi duket se është futur në ritmin e duhur ka një sfidë të lehtë në letër duke qenë se përballet me Apoloninë. Ndërkohë, Vllaznisë i duhet të reagojë pas humbjes së fundit, ku do të presë në Shkodër, Bylisin. Ndërsa, Teuta dhe Skënderbeu luajnë në shtëpi, ku presin respektivisht Kastriotin dhe Laçin. /VipSport.al/

Ndeshjet, të premten:

18:00 Tirana-Partizani

shtunën:

13:45 Vllaznia-Bylis

13:45 Skënderbeu-Laçi

16:45 Teuta-Kastrioti

16:45 Kukësi-Apolonia
Shtuar më 30/11/2020, ora 10:34
Shkruani komentin tuaj!
Të fundit nga kjo kategori