Mesiguri është vetëm një rastësi, por Sukaj, Hidi e Berisha që kanë ngritur trofeun në Iran, Qipro e Australi, kanë kohë që nuk luajnë me përfaqësuesen



Më në fund edhe ne kemi futbollistët tanë që luajnë jashtë vendit dhe që kanë dalë kampioë me skuadrat e tyre. Islli Hidi është shpallur kampion në Qipro, megjithëse nuk ka qenë titullar. Xhevahir Sukaj në Iran, ku mbërriti pak vonë, por që nuk vonoi të fitonte një vend titullari dhe të shënonte.

Madje kontributin më të madh e ka në Champions League të Azisë, ku ka shënuar gola të rëndësishëm de tashmë skuadra e tij ka mbërritur në 1/8 e finaleve. Ndërsa Besart Berisha, jo vetëm kampion i Australisë, por edhe futbollisti më i mirë i edicionit.

E përbashkëta e të treve është, se asnjë prej tyre nuk është pjesë e Kombëtares së Shqipërisë. /albeu.com/