Kastrioti me 10 futbollistë ndal hovin e Vllaznisë
Është mbyllur në barazim pa gola sfida mes Vllaznisë dhe Kastriotit e zhvilluar në “Loro Boriçi” të Shkodrës.

Një hap fals në shtëpi ky për skuadrën e Thomas Brdariç, pas ecurisë pozitive me 3 fitore radhazi.

Pavarësisht përpjekjeve kuqeblutë, nuk arritën të mposhtnin portierin Isli Hidi, kjo padyshim edhe për meritë të këtij të fundit.

Ky ishte barazimi i tretë në kampionat për Vllazninë, ndërkohë që në krahun tjetër, krutanët e Ndreut u rikthyen te rezultatet pozitive pas 2 humbjesh radhazi.

Vlen të theksohet lufta e ashpër sportive në fushën e lojës, teksa Kastrioti e mbylli me 10 lojtarë ndeshjen pas ndërhyrjes së ashpër nga mbrapa ndaj Da Silvës.

Në javën e ardhshme, Vllaznia do të jetë mysafire në “Elbasan Arena” ndaj Partizanit, ndërkohë që krutanët presin Bylisin në shtëpi.

Me këtël pikë Vllaznia qëndron në krye të rënditjes me 36 pikë, 10 më shumë se vendi i dytë që mbahet nga Teuta dhe Partizani.

Ditën e sotme u luajtën edhe dy ndeshje të tjera: Kukësi 2-1 Bylis dhe Skënderbeu 1-1 Apolonia.

Ndërkohë nesër, luhet dy sfidat e tjera: Teuta-Partizani dhe Tirana-Laçi.
Shtuar më 24/01/2021, ora 19:02
Shkruani komentin tuaj!
Të fundit nga kjo kategori