Kobe Bryant kishte treguar para disa kohësh historinë kur Ronaldinho e kishte prezantuar atë para yllit të Barcelonës, Lionel Messi që atëkohë ishte vetëm 17-vjeçar.

Bryant ndërroi jetë të dielën në një aksident tragjik me helipoter në moshën 41-vjeçare së bashku me vajzën e tij, Gianna dhe shtatë persona të tjerë.

Videot e ikonës së basketbollit janë duke bërë bujë tashmë, duke përfshirë një intervistë të tij ku tregon për historinë e njohjes me Lionel Messin, transmeton zeri.info

“Do t’iu them një histori. Para shumë kohësh, Barcelona erdhi në Los Angles. Ronaldinho, që ishte një mik i mirë, ishte duke folur me mua dhe më tha: ‘Kobe, shiko do të të prezantoj ty me një djalë që do të bëhet më i miri i të gjitha kohërave’”, kishte thënë Bryant.

“Unë i thashë: ‘Ti çfarë? Ti je më i miri’. Por, ai tha: ‘Jo, jo. Ky djalë këtu do të bëhet më i miri’. Dhe ky djalë ishte Lionel Messi, që ishte vetëm 17-vjeçar”, ishte shprehur ish-basketbollisti amerikan.