Komandant CR7 bojkoton "Topin e Artë"
Cristiano Ronaldo dhe Real Madrid siç duket i kanë marrë shumë seriozisht deklaratat e presidentit të FIFA-s, Sepp Blatter. Numri i futbollit botëror deklaroi ditë më parë se favorizon Lionel Messin për Topin e Artë, ndërsa Ronaldon e kishte quajtur "komandant" në fushë dhe se merret më shumë me look-un e tij.

Ylli portugez, në ndeshjen që Real Madrid-Sevilla, i është përgjigjur presidentit të FIFA-s, kur pas shënimit të golit, duke festuar si një "komandanti".

Sipas të përditshmes spanjolle "Marca", Cristiano Ronaldo ka vendosur që përfundimisht mos të marrë pjesë në asnjë organizim të FIFA-s, përfshirë këtu edhe ceremoninë e ndarjes së "Topit të Artë 2013". Po ashtu, thuhet se Ronaldo do të ketë përkrahjen e plotë të Real Madrid në çfarëdo vendimi që do të marrë. /albeu.com/
Shtuar më 31/10/2013, ora 15:00
Shkruani komentin tuaj!
Të fundit nga kjo kategori